ជើងខ្លាំងរបស់ថៃ មកជម្រះបញ្ជីរឿង សោភ័ណ្ឌ
ភ្នំពេញៈ ជ័យជម្នះរបស់ រឿង សោភ័ណ្ឌ លើជើងខ្លាំងរបស់ថៃ Khum Phen នៅលើសង្វៀន SEATV កាលពីទី ៦ ខែសីហា បានបញ្ចប់នូវរឿងចម្រូងចម្រាសព្រោះលទ្ធផលប្រកួតនោះ មានភាពមិនប្រក្រតី ធ្វើឲ្យអ្នកទស្សនាមិនទាន់អស់ចិត្ត ខណៈ សោភ័ណ្ឌ មានពិន្ទុចាញ់ប្រៀបថៃដាច់ តែត្រូវបានសម្រេចឲ្យឈ្នះ ដោយសំអាងថា Khum Phen បានវាយថែមពីក្រោយទៅលើ សោភ័ណ្ឌ ខុសបទបញ្ជាប្រកួតនោះ។
លោកញាន សុធី នាយកគ្រប់គ្រងកម្មវិធីប្រកួតប្រចាំសង្វៀន SEATV បានប្រាប់ថា៖ «លទ្ធផលប្រកួតរវាង រឿង សោភ័ណ្ឌ និង Khum Phen នេះធ្វើឲ្យអ្នកទស្សនាមិនទាន់អស់ចិត្តហើយបានសំណូមពរឲ្យពួកគេជួបគ្នាឡើងវិញដើម្បីឲ្យដឹងថា អ្នកណាជាអ្នកឈ្នះដោយយុត្តិធម៌និងតម្លាភាពនោះ។ ហេតុនេះ គណៈកម្មការផ្គូផ្គងសង្វៀន SEATV បានសម្រេចដាក់ឲ្យពួកគេប្រកួតគ្នាឡើងវិញនៅរសៀលថ្ងៃ សៅរ៍ ទី ១៩ ខែសីហា នេះ»។
គួររំឭកថា Khun Phen ធ្លាប់បានស្មើពិន្ទុជាមួយ រឿង សោភ័ណ្ឌ សម្រាប់ការជួបគ្នាលើកដំបូង នៅសង្វៀន PNN ប៉ុន្តែការជួបគ្នាជាថ្មី កាលពីដើមខែសីហា កន្លងមកនេះ ជើងខ្លាំងរបស់ថៃម្នាក់នេះ ត្រូវបានសម្រេចឲ្យចាញ់នៅទឹកទី ៣ ដោយសារវាយថែមពីក្រោយទៅលើ រឿង សោភ័ណ្ឌ។ ចំណែកបង្ហាញខ្លួន ៣ លើកទៀតនៅកម្ពុជា Khun Phen បានវាយ ផាន់ គ្រាន់ និងអ៊ុំ ចំរើន ឲ្យសន្លប់ក្នុងទឹកទី ២ ដូចគ្នា តែបានចាញ់ អ៊ុង វិរៈ ដោយក្បាច់ជង្គង់នៅទឹកទី ៤។
ចំពោះការវិលមកសងសឹករបស់ Khun Phen លើកនេះ រឿង សោភ័ណ្ឌ និយាយថា៖ «រឿងចាញ់ឈ្នះមិនទាន់និយាយបានទេ ប៉ុន្តែការប្រកួតត្រូវគោរពច្បាប់ និងសុំទាមទារឲ្យពិនិត្យទៅលើទម្ងន់ស្មើគ្នា កាត់ក្តីឲ្យយុត្តិធម៌ ព្រោះខ្ញុំឡើងសង្វៀនដឹងតែវ៉ៃ មិនលាក់កម្លាំង ឬបន្ធូរដៃឲ្យអ្នកណាទេ»។
ទោះយ៉ាងណា សោភ័ណ្ឌ បានបញ្ជាក់ថា៖ «ខ្ញុំគិតថា Khum Phen ជាកីឡាករឧបសគ្គធំសម្រាប់ខ្ញុំ ប៉ុន្តែជំនួបលើកទី ៣ នេះ ខ្ញុំនឹងប្តូរយុទ្ធសាស្ត្រប្រកួតតាមគ្រូ ដោយមិនលេងក្បាច់ឱបឡើងជង្គង់ទេ ប៉ុន្តែត្រូវប្រើកណ្តាប់ដៃ និងស្នៀតទាត់ ដោយសង្ឃឹមឈ្នះ ៦០ ភាគរយ។ ចំណែកការចាញ់ប្រៀបលើកមុន ដោយសារហាត់មិនបានល្អ ព្រោះខ្ញុំរវល់បុណ្យសពលោកគ្រូ គឹម ឡាវី ប៉ុន្តែសប្តាហ៍នេះហាត់ពេញល្អ ធានាថា ប្រកួតក្នុងលក្ខណៈស្វិតស្វាញអស់ពីសមត្ថភាពឲ្យបងប្អូនជក់ចិត្ត»។
លោក ជួន សំណាង គ្រូបង្វឹក សោភ័ណ្ឌ និយាយថា៖ «Khum Phen ល្អជង្គង់ និងកម្លាំង ហើយខ្ពស់ជាងយើង ហេតុនេះយើងប្តូរយុទ្ធសាស្ត្រប្រកួត គឺត្រូវវាយប្រយោលដោយប្រើកណ្តាប់ដៃ និងស្នៀតទាត់ឆ្ងាយ ហើយបើ រឿង សោភ័ណ្ឌ វ៉ៃតាមការគ្រោងទុក គឺយើងមានទំនុកចិត្តឈ្នះ ៧០ ភាគរយ»។
ចំណែកលោក ថាន់ វ៉ាឡេក គ្រូបង្វឹកកីឡាករថៃ និយាយថា៖ «បើគ្មានអ្វីកើតឡើងនោះទេ ខ្ញុំជឿជាក់ថា Khum Phen មានប្រៀបឈ្នះ ១០០ ភាគរយ ព្រោះ សោភ័ណ្ឌ ក្រៅពីកណ្តាប់ដៃ គ្មានក្បាច់អ្វីយកឈ្នះ Khum Phen បានទេ»។
ចំណែកលោក ថៃ អ៊ូ អ្នកនាំកីឡាករថៃមកប្រកួត និយាយថា៖ «ខ្ញុំមិនហ៊ាននិយាយទេ ព្រោះនិយាយកន្លងមកវាចេះតែខុស ចាំមើលជាក់ស្តែងទៅ ប៉ុន្តែខ្ញុំមានជំនឿថា Khum Phen មានប្រៀបឈ្នះច្រើនជាង»។
រីឯ ហ៊ឹមសេរី ក៏ត្រូវដាក់ឲ្យប្រកួតជាមួយថៃ Phat Chantha ក្នុងទម្ងន់ ៥១ គីឡូក្រាម ថ្ងៃសៅរ៍នោះដែរ៕
លោកញាន សុធី នាយកគ្រប់គ្រងកម្មវិធីប្រកួតប្រចាំសង្វៀន SEATV បានប្រាប់ថា៖ «លទ្ធផលប្រកួតរវាង រឿង សោភ័ណ្ឌ និង Khum Phen នេះធ្វើឲ្យអ្នកទស្សនាមិនទាន់អស់ចិត្តហើយបានសំណូមពរឲ្យពួកគេជួបគ្នាឡើងវិញដើម្បីឲ្យដឹងថា អ្នកណាជាអ្នកឈ្នះដោយយុត្តិធម៌និងតម្លាភាពនោះ។ ហេតុនេះ គណៈកម្មការផ្គូផ្គងសង្វៀន SEATV បានសម្រេចដាក់ឲ្យពួកគេប្រកួតគ្នាឡើងវិញនៅរសៀលថ្ងៃ សៅរ៍ ទី ១៩ ខែសីហា នេះ»។
គួររំឭកថា Khun Phen ធ្លាប់បានស្មើពិន្ទុជាមួយ រឿង សោភ័ណ្ឌ សម្រាប់ការជួបគ្នាលើកដំបូង នៅសង្វៀន PNN ប៉ុន្តែការជួបគ្នាជាថ្មី កាលពីដើមខែសីហា កន្លងមកនេះ ជើងខ្លាំងរបស់ថៃម្នាក់នេះ ត្រូវបានសម្រេចឲ្យចាញ់នៅទឹកទី ៣ ដោយសារវាយថែមពីក្រោយទៅលើ រឿង សោភ័ណ្ឌ។ ចំណែកបង្ហាញខ្លួន ៣ លើកទៀតនៅកម្ពុជា Khun Phen បានវាយ ផាន់ គ្រាន់ និងអ៊ុំ ចំរើន ឲ្យសន្លប់ក្នុងទឹកទី ២ ដូចគ្នា តែបានចាញ់ អ៊ុង វិរៈ ដោយក្បាច់ជង្គង់នៅទឹកទី ៤។
ចំពោះការវិលមកសងសឹករបស់ Khun Phen លើកនេះ រឿង សោភ័ណ្ឌ និយាយថា៖ «រឿងចាញ់ឈ្នះមិនទាន់និយាយបានទេ ប៉ុន្តែការប្រកួតត្រូវគោរពច្បាប់ និងសុំទាមទារឲ្យពិនិត្យទៅលើទម្ងន់ស្មើគ្នា កាត់ក្តីឲ្យយុត្តិធម៌ ព្រោះខ្ញុំឡើងសង្វៀនដឹងតែវ៉ៃ មិនលាក់កម្លាំង ឬបន្ធូរដៃឲ្យអ្នកណាទេ»។
ទោះយ៉ាងណា សោភ័ណ្ឌ បានបញ្ជាក់ថា៖ «ខ្ញុំគិតថា Khum Phen ជាកីឡាករឧបសគ្គធំសម្រាប់ខ្ញុំ ប៉ុន្តែជំនួបលើកទី ៣ នេះ ខ្ញុំនឹងប្តូរយុទ្ធសាស្ត្រប្រកួតតាមគ្រូ ដោយមិនលេងក្បាច់ឱបឡើងជង្គង់ទេ ប៉ុន្តែត្រូវប្រើកណ្តាប់ដៃ និងស្នៀតទាត់ ដោយសង្ឃឹមឈ្នះ ៦០ ភាគរយ។ ចំណែកការចាញ់ប្រៀបលើកមុន ដោយសារហាត់មិនបានល្អ ព្រោះខ្ញុំរវល់បុណ្យសពលោកគ្រូ គឹម ឡាវី ប៉ុន្តែសប្តាហ៍នេះហាត់ពេញល្អ ធានាថា ប្រកួតក្នុងលក្ខណៈស្វិតស្វាញអស់ពីសមត្ថភាពឲ្យបងប្អូនជក់ចិត្ត»។
លោក ជួន សំណាង គ្រូបង្វឹក សោភ័ណ្ឌ និយាយថា៖ «Khum Phen ល្អជង្គង់ និងកម្លាំង ហើយខ្ពស់ជាងយើង ហេតុនេះយើងប្តូរយុទ្ធសាស្ត្រប្រកួត គឺត្រូវវាយប្រយោលដោយប្រើកណ្តាប់ដៃ និងស្នៀតទាត់ឆ្ងាយ ហើយបើ រឿង សោភ័ណ្ឌ វ៉ៃតាមការគ្រោងទុក គឺយើងមានទំនុកចិត្តឈ្នះ ៧០ ភាគរយ»។
ចំណែកលោក ថាន់ វ៉ាឡេក គ្រូបង្វឹកកីឡាករថៃ និយាយថា៖ «បើគ្មានអ្វីកើតឡើងនោះទេ ខ្ញុំជឿជាក់ថា Khum Phen មានប្រៀបឈ្នះ ១០០ ភាគរយ ព្រោះ សោភ័ណ្ឌ ក្រៅពីកណ្តាប់ដៃ គ្មានក្បាច់អ្វីយកឈ្នះ Khum Phen បានទេ»។
ចំណែកលោក ថៃ អ៊ូ អ្នកនាំកីឡាករថៃមកប្រកួត និយាយថា៖ «ខ្ញុំមិនហ៊ាននិយាយទេ ព្រោះនិយាយកន្លងមកវាចេះតែខុស ចាំមើលជាក់ស្តែងទៅ ប៉ុន្តែខ្ញុំមានជំនឿថា Khum Phen មានប្រៀបឈ្នះច្រើនជាង»។
រីឯ ហ៊ឹមសេរី ក៏ត្រូវដាក់ឲ្យប្រកួតជាមួយថៃ Phat Chantha ក្នុងទម្ងន់ ៥១ គីឡូក្រាម ថ្ងៃសៅរ៍នោះដែរ៕
Post a Comment